Everton yangi hujumchi izlamoqda va The Sun xabariga ko‘ra, Merseysayd klubi Ipswich Town hujumchisi Liam Delap uchun jasoratli taklif tayyorlamoqchi. 22 yoshli iqtidorli futbolchining tovon puli atigi 35 million yevro, ammo so‘nggi haftalarda u Manchester Yunayted va Chelsi bilan ham bog‘lanmoqda.
Shaharning boshqa tarafida joylashgan “Liverpul” esa yozgi transfer oynasiga katta reja bilan tayyorlanmoqda. Biroq Arne Slot xohlagan futbolchilarni xarid qilish uchun klub ayrim o‘z futbolchilarini sotishga majbur bo‘lishi mumkin. TalkSport xabariga ko‘ra, Luis Diasga Saudiya Arabistonidan katta qiziqish bo‘layotgani sababli, Liverpul futbolchini sotish takliflarini ko‘rib chiqishga tayyor.
Xuddi shuningdek, Arsenal ham kelasi mavsum himoyani mustahkamlashni rejalashtirmoqda, ammo bu ham tarkibdagi ortiqcha futbolchilarni sotishga bog‘liq bo‘ladi. The Mirror yozishicha, London klubi “Ayaks” yulduzi Jorrel Hatoga qiziqmoqda, ammo Jakub Kivior kabi zaxira futbolchilarni sotmasdan turib, niderland klubi talab qilayotgan narxni to‘lashlari qiyin bo‘ladi.
