Saudiya Pro Ligasi klublari Mohamed Salahni yozda o‘z safiga qo‘shib olish borasida tobora ishonchli bo‘lib bormoqda, deb xabar beradi The Telegraph. Misrlik futbolchining shartnomasi mavsum oxirida yakunlanadi va u hali «Liverpul» bilan yangi kelishuvga imzo chekkanicha yo‘q.
«Chelsi» «Vilyarreal» hujumchisi Tierno Barrini kuzatmoqda. 22 yoshli futbolchi joriy mavsumda LaLiga doirasida 27 o‘yinda 9 ta gol urgan. «Ko‘klar» uni sotib olish uchun taxminan €40 million to‘lashga tayyor.
«Atletiko Madrid» esa Antoni uchun kurashga qo‘shildi. «Manchester Yunayted» braziliyalik futbolchini sotishdan qoniqarli taklif olishiga tobora ishonmoqda.
«Manchester Yunayted» o‘z safiga Rayan Cherkini qo‘shib olishi mumkin. Fransiya yoshlar terma jamoasi a’zosi ushbu mavsumda «Lion» safida ajoyib formada bo‘ldi, ammo u klubni tark etishi kutilmoqda, chunki uning shartnomasi keyingi yil yakunlanadi.
«Barselona» esa Kenan Yildiz transferini rejalashtirmoqda. «Yuventus» yulduzining qiymati €50 million etib belgilangan.
