Yevropa klublari uchun turli daromad manbalarini maksimal darajada oshirish har qachongidan ham muhimroq bo‘lib qoldi. UEFAning moliyaviy barqarorlik qoidalari klublarning transferlar, maoshlar va agent to‘lovlariga ajratadigan mablag‘larini cheklaydi.
Tarixan, klublarning asosiy daromad manbai stadionga kelayotgan muxlislar bo‘lsa-da, so‘nggi 20 yil ichida bu manzara keskin o‘zgardi. Hozirda yirik klublar uchun teletranslyatsiya shartnomalari asosiy daromad manbaiga aylangan, ammo o‘yin kunlaridan tushadigan tushum hanuz muhim o‘rin tutadi. Har yili chop etiladigan UEFAning Yevropa klublari moliyaviy va investitsiya landshafti hisoboti esa ushbu moliyaviy ko‘rsatkichlarning batafsil tahlilini taqdim etadi.
2023/24 mavsumida eng ko‘p stadion daromadi olgan klublar
Real Madrid o‘tgan mavsumda stadiondan tushgan daromad bo‘yicha Yevropadagi yetakchi klub bo‘ldi – 185 million yevro. Santiago Bernabeu stadionining rekonstruksiya ishlari 2019-yilda boshlangan bo‘lsa-da, u hozir deyarli to‘liq ishlamoqda va 80 000 tomoshabinga xizmat qila oladi. Madrid klubi bu sig‘imni yana 5 000 tomoshabinga oshirish rejalarini ham ma’lum qildi. “Qirollik klubi”ning Chempionlar ligasi finaliga chiqishi esa chiptalardan tushgan daromadning yuqori bo‘lishiga katta hissa qo‘shdi.
2023/24 mavsumida eng ko‘p stadion daromadi olgan klublar
2-o‘rin: Paris Saint-Germain (PSG) – €168m
PSG ikkinchi o‘rinni egallagan bo‘lsa-da, bu ba’zilarga ajablanarli tuyulishi mumkin. Chunki Parc des Princes stadioni atigi 50 000 dan kam tomoshabinga ega. Ammo Parij klubi VIP va mehmonxona xizmatlari orqali ulkan daromad olgani ushbu ko‘rsatkichni sezilarli darajada oshirdi.
3-o‘rin: Arsenal – €153m
Angliyaning eng ko‘p stadion daromadi olgan klubi – Arsenal bo‘lib, 153 million yevro daromad bilan “Manchester Yunayted” (€129m) va “Tottenhem” (€123m)dan ancha oldinda turibdi.
4-o‘rin: Bayern Munich – €131m
Germaniyaning eng yirik klubi bo‘lgan Bavariya to‘rtinchi o‘rinda joylashgan. “Allianz Arena”dagi o‘yinlar klubga 131 million yevro daromad keltirgan.
7-o‘rin: Barcelona – €116m
«Barselona»ning stadion daromadi keskin kamaydi, chunki klub Camp Nou rekonstruksiya qilinayotganligi sababli Olympic Stadiumda o‘ynashga majbur bo‘ldi. Shu sababli ular bir necha o‘rin pastga tushdi.
Jami olganda, top-10 likka 6 ta Angliya klubi kirdi, bu esa Angliya futbolining moliyaviy qudratini yana bir bor isbotlaydi.
