Turkiyaning eng iqtidorli yosh futbolchilaridan biri hisoblangan Yusuf Akçiçek o‘zining yorqin o‘yinlari bilan e’tiborni tortmoqda. Fenerbahçe safida u sezilarli o‘sishga erishdi va Superliganing so‘nggi yangilanishida uning transfer qiymati sezilarli darajada oshdi.
Akçiçekning futbol yo’li
19 yoshli markaziy himoyachi dastlab Galatasaray akademiyasida tarbiya olgan, biroq 2019 yilda u klubning ashaddiy raqibi – Fenerbahçe safiga qo‘shilgan. U 2023-yil noyabr oyida “Ludogorets”ga qarshi o‘yinda Konferensiyalar ligasi doirasida professional debyutini o‘tkazdi. Joriy mavsumda u asosiy tarkib futbolchisiga aylangan va hozirgacha 15 ta o‘yinda maydonga tushib, Anderlechtga qarshi o‘yinda o‘zining ilk golini urgan.
Mourinho – Yusufni Varane bilan taqqosladi
Akçiçekning ishonchli o‘yini katta klublarning e’tiborini tortmoqda. Joze Mourinyo esa uni Raphael Varane bilan taqqosladi. Fenerbahçe – Galatasaray uchrashuvidan keyin Mourinyo shunday dedi:
???? “Men uni Varane bilan taqqoslamoqchi emasman, chunki u to‘rtta Chempionlar ligasi, Jahon chempionati va boshqa hamma narsani yutgan. Ammo men 18 yoshida Varane bilan ishlaganman va adashmaganman. Endi esa Yusuf bilan ham xuddi shunday holat. Unda katta shaxsiyat va ishonch bor.”
Bu kabi taqqoslashlar yosh himoyachining kelajagi porloq ekanligini ko‘rsatadi. Akçiçek hozirda Fenerbahçe himoya chizig‘ining muhim bo‘lagi bo‘lib, unga Yevropa grandlarining qiziqishi ortib bormoqda.
Yusuf Akçiçekning bozor qiymati keskin oshdi
Fenerbahçe himoyachisi Yusuf Akçiçek so‘nggi yillarda katta o‘sishga erishib, transfer bozorida ham katta qadam tashladi.
???? 2023-yil noyabrida, u atigi €50 ming qiymatga ega bo‘lgan.
???? 2024-yil oktyabrida bu ko‘rsatkich €150 ming ga yetdi.
???? 2025-yil mart oyidagi Superlig yangilanishida esa uning qiymati birdaniga €5,35 millionga oshib, €5,5 millionga yetdi.
Bu o‘sish uning sezilarli rivojlanishi va Fenerbahçe safidagi yorqin o‘yinlari bilan bog‘liq. Bundan tashqari, Akçiçek yaqin orada Turkiya milliy jamoasi tarkibida debyut qilishi kutilmoqda. U Nations League doirasida bo‘lib o‘tadigan Vengriyaga qarshi o‘yinlarga chaqiruv oldi.
???????? Eng qimmat U21 turk futbolchilari orasida Akçiçek to‘rtinchi o‘rinda turibdi va Superliganing so‘nggi yangilanishida bozor qiymati eng ko‘p oshgan futbolchi bo‘ldi. Bu esa uning tez orada Yevropaning eng yaxshi klublari radarliga tushishiga ishora qiladi.
Yusuf Akçiçekga qiziqayotgan klublar
???????? Yusuf Akçiçek Yevropaning bir nechta top klublari tomonidan kuzatilmoqda.
???? Manchester United skautlari uni bir necha bor kuzatib bordi, jumladan, yaqinda bo‘lib o‘tgan Rangersga qarshi Yevropa Ligasi 1/8 final bahsida ham. Akçiçekning chap oyoqli markaziy himoyachi ekani va yarim himoyada ham o‘ynay olishi uni yanada jozibador futbolchiga aylantiradi.
⚪ Tottenham Hotspur ham unga qiziqmoqda va Bundesliga grandlari – Bayern Munich hamda Bayer Leverkusen ham uning o‘sishini yaqindan kuzatmoqda.
???? Hozirda uning transfer bozori qiymati €5,5 million bo‘lsa-da, Fenerbahçe uni sotish uchun €20 milliondan ortiq taklif talab qiladi.
Shubhasiz, Yusuf Akçiçek yaqin yillarda Yevropaning eng yaxshi klublaridan biriga o‘tishi mumkin.
