Chelsea ushbu yozda Rafael Leao transferini amalga oshirishni rejalashtirmoqda. Italiya matbuotining xabar berishicha, «ko‘klar» portugaliyalik vingerni uzoq vaqtdan beri kuzatib kelmoqda va agar «Milan» mos taklif olsa, u klubni tark etishi mumkin.
Manchester City esa Real Madrid bilan Uilyam Saliba transferi uchun kurashga kirishishi kutilmoqda. Fransiyalik himoyachi hozirda dunyoning eng yaxshi markaziy himoyachilaridan biri sifatida qaralmoqda, ammo u hali «Arsenal» bilan sovrin yutmagan. Shunga qaramay, Saliba o‘z kelajagi borasida aniq bayonot berib, «kanonirlar» safida qolib, jamoa bilan sovrin yutishni xohlashini aytdi.
Bundan tashqari, «Barselona» uzoq vaqtdan beri Edon Jhegrova bilan qiziqib kelayotgan edi va ushbu yozda uning transferini amalga oshirishi mumkin. «Lill» vingeri yangi shartnoma imzolashdan bosh tortgan va u atigi 30 million yevroga sotilishi mumkin.
